Wednesday, 26 November 2008

අමනාප

නන්නාඳුනන උන් වගේ
නොබලති එකිනෙකා උන් දෙස
අහවර වූ මුත්, ඉදී බත් පත
නොහොඳ නෝක්කඩු පවතී.

ඉදී ගිය කෙහෙරැල්ල
කහට පැහැ දත් දෙපෙල
ඇදී ගිය හකුපාඩු
මොටද මේ අමනාප

දිවිමගේ පසු බාගෙ
පෙහෙවසින් සිත් නැමැද
උවටැන්ව උනුන් හට
දුරුකරන් අමනාප
සමගි දෙපලක් ලෙසින්

1 comment:

හේම ජයන්ත කොළඹගේ said...

වරද උන් තුල නොවේ
සිත් තලන කෙලෙස්මය.
සංසාර දිවිමගට තවතවත් ඇද දමන
කෙලෙස් මල නිසාමය...
තනිව ආ මග තනිව යන්නට
නියමවී ඇත හේතුඵල ලෙස
කෙලෙස් මල ජයගන්න හැකි උනොත් දවසක
අන්න ජය අත ලගය