Wednesday 26 November 2008

අමනාප

නන්නාඳුනන උන් වගේ
නොබලති එකිනෙකා උන් දෙස
අහවර වූ මුත්, ඉදී බත් පත
නොහොඳ නෝක්කඩු පවතී.

ඉදී ගිය කෙහෙරැල්ල
කහට පැහැ දත් දෙපෙල
ඇදී ගිය හකුපාඩු
මොටද මේ අමනාප

දිවිමගේ පසු බාගෙ
පෙහෙවසින් සිත් නැමැද
උවටැන්ව උනුන් හට
දුරුකරන් අමනාප
සමගි දෙපලක් ලෙසින්

Tuesday 4 November 2008

දැහැන බිඳෙයි.

නිශා සියොතුනි, එපා හඬන්නට
මැදියම මා සිත බිය වේවි
විහඟ ගීත හඬ එපා නඟන්නට
සමවැදි මගේ දැහැන බිඳේවි
සසල දෙනෙත් යුග එපා ගාටන්නට
ආශා පල් පිබිදී ඒවී
සරසවියට මා පුරනා පෙරුමන්
පය පා මුල විසිරී යාවී.

Sunday 2 November 2008

සුසුම් සදෙස


දහසක් දේ ඇත කීමට සිරවීලා
කිසිවෙක් නැතේ ඇසුමට එය ලං වීලා
මගේ දුක බෙදා ගත් නුඹ දැන් ඈත් වෙලා
සුසුමක තබා එවනෙමි එය පා කරලා

ගත සිත දෙකට නෑ සුවයක් වෙහෙස මිසක්
දුක බෑ කියන්නට නොමැතිව ළබැඳි සිතක්
මා පැතු සුවය නැත යුග ගෙය අඳුරු තැනක්
සිනහව මතක නෑ මා හට කඳුළ මිසක්